الثقه بالنفس عند الاطفال

كثير من الماميز بيشتكي من عدم ثقه اولادهم في نفسهم،، عمرك كأب او أم سالت نفسك هل انا بنمي ثقه ابني في نفسه ام لا؟

هقولك علي شويه سلوكيات اذا طبقتيها مع ابنك او بنتك هتزود ثقته في نفسه
وهيبقي افضل باذن الله...
اولا: راعي الفروق الفرديه بين ابنك وبين الاخرين من اخواته او اصحابه او غيرهم .... يعني متحوليش تقارني بينه وبين غيره،، وتقبليه كما هو بشىء من الرضا... واشعريه دائما بالقبول والحب.

ثانيا: قوليله دائما كلام تشجيعي علي اي حاجه كويسه يعملها حتي لو بسيطه علشان يحس بذاته وبقيمته مثل برافوا.. انت قدها.. وهكذا

ثالثا: خصصى جزء صغير جدا في البيت لانجازاته حتي البسيطه مثل رسمه جميله او شهاده رياضيه.. صورته وهو بتكرم في المدرسه.... اي انجاز ليه علشان طول الوقت يبقي شايف نجاحه وفخور بنفسه و يشعر بقيمه نجاحه ويسعي الي مزيد من النجاح.
رابعا: اختلقي المواقف اللي تحمليه فيها مسئوليه في حدود امكانياته وقدراته ويستطيع النجاح فيها فيتعود علي تحمل المسئوليه ويشعر بتقدير الذات.
خامسا: ركزي علي الجوانب الايجابيه في شخصيته.. واذا حدث وفشل في شىء شجعيه وذكريه انه يستطيع فعلها.. وفكريه بنجاحاته اللي فاتت.
سادسا: اما يجي يتكلم اسمعيه كويس واتفاعلى مع كلامه بكل اهتمام وحسسيه انه شخص له احترام وتقدير.. ومتقلليش من كلامه حتي يتعود علي احترام الاخرين
واهم حاجه انتي قدوه ونموذج له لازم تهتمي بتصرفتك قدامه وحولي ان تركزي علي تصرفتك التي كلها ثقه ومسئوليه